Sunday, August 14, 2022
ሌሎች ዓምዶች
    - ማስታወቂያ -
    - ማስታወቂያ -

    ሳፋሪኮም በኢትዮጵያ ትርፍ ለማግኘት አምስት ዓመታት እንደሚወስድበት አስታወቀ

    - ማስታወቂያ -

    ተዛማጅ ፅሁፎች

    ባለፈው ዓመት በ850 ሚሊዮን ዶላር የቴሌኮም ፈቃድ የወሰደው ሳፋሪኮም፣ በኢትዮጵያ ትርፍ ለማግኘት አምስት ዓመታት ሊወስድበት እንደሚችል አስታወቀ። በመጪዎቹ 15 ዓመታት ስምንት ቢሊዮን ዶላር ፈሰስ ለማድረግ ያቀደው ድርጅቱ ለአንድ ዓመት የሚውል 600 ሚሊዮን ዶላር የመደበ ሲሆን፣ በቀጣይ አምስት ዓመታት ወጪው ከገቢው ስለሚበልጥ ትርፍ የማግኘት ዕድሉ ጠባብ መሆኑን ይፋ አድርጓል።

    የእንግሊዙ ቮዳኮም ግሩፕና የደቡብ አፍሪካው ቮዳፎን ከሚያስተዳድሯቸው ድርጅቶች መካከል የሆነው ድርጅቱ፣ በአገሪቱ ያለው አለመረጋጋት ትርፍ ለማግኘት ያስቀመጠው የጊዜ ገደብ ሊያራዝመበት የሚችልበት ዕድል ሰፊ መሆኑንም ይፋ አድርጓል።

    የሳፋሪ ኮም ዋና ሥራ አስፈጻሚ ፒተር ንዴግዋ በሰጡት መግለጫ እንዳስታወቁት፣ በግጭቱ ምክንያት በቀጣይ አገልግሎት ለመጀመር ያስቀመጠውን ዕቅድ ሊያራዝም የሚችልበት ዕድል እንዳለ ተናግረዋል።

    ዋና ሥራ አስፈጻሚው እንደተናገሩት፣ ድርጅቱ በቀጣይ ሁለት ዓመታት ብቻ እስከ ሁለት ቢሊዮን ዶላር ለተለያዩ መሠረተ ልማት ግንባታዎች ለማውጣት አቅዷል፡፡ እ.ኤ.አ. በ2025 ወጪያቸውን መሸፈን የሚያስችል ገቢ ለማግኘት መታሰቡን ይፋ አድርገዋል።

    ኤምቲኤን ከተሰኘው ዓለም አቀፍ የቴሌኮም አገልግሎት ሰጪ ጋር ተወዳድሮ በኢትዮጵያ ፈቃድ የተሰጠው ሳፋሪኮም፣ በየዓመቱ ከሚያገኘው ገቢ 80 በመቶ የሚሆነውን ለባለአክሲዮኖች የሚያከፋፍል ሲሆን፣ ቀሪውን ተጨማሪ ኢንቨስትመንት ለማከናወን ያውለዋል።

    እስካሁን ድርጅቱ የሰበሰበው ለባለአክሲዮኖች ያልተከፋፈለ ትርፍ አንድ ቢሊዮን ዶላር ሲደርስ፣ ይህንንም በኢትዮጵያ ለሚያከናውናቸው ሥራዎች ሊያውለው እንደሚችል ተጠቁሟል።

    ይሁን እንጂ የድርጅቱ ዋና ሥራ አስፈጻሚ እንደተናገሩት፣ የድርጅቱን ወጪ ለመሸፈን ተጨማሪ ብድሮችን ከአገር ውስጥ ባንኮች ለመውሰድ አቅደዋል። ከዚህ ባሻገር ድርጅቱ በኢትዮጵያ የሞባይል ባንኪንግ አገልግሎት ለመጀመርና ኤምፔሳ የተሰኘውን አገልግሎት ለማስጀመር ለኢትዮጵያ መንግሥት ጥያቄ ማቅረቡን ይፋ አድርገዋል።

    ንዴግዋ በናይሮቢ በነበራቸው መግለጫ እንደተናገሩት፣ ኤምፔሳን ለማስጀመር ለመንግሥት ጥያቄ ቀርቧል፡፡ ምን ያህል ተጨማሪ ክፍያ መክፈል እንዳለባቸውና ሌሎች ማሟላት የሚጠበቅባቸውን ቅድመ ሁኔታዎች ላይ ምላሽ እየጠበቁ መሆናቸውን ይፋ አድርገዋል።

    ሳፋሪኮም በቅርቡ አዳዲስ አስፈጻሚዎች መሾሙ ይታወሳል። በዜግነት ግሪካዊ የሆኑት አንዋር ሱሳ የኢትዮጵያ ኦፕሬሽን ዋና ሥራ አስፈጻሚ ተሹመው ነበር። በተጨማሪ 11 የተለያዩ ዲፓርትመንት ኃላፊዎች የተሾሙ ሲሆን፣ አራቱ ኬንያውያን ሲሆኑ ከኢትዮጵያ አንድ የሥራ ኃላፊ ተሾመው ነበር።

    ባለፉት ስድስት ወራት ሳፋሪኮም 1.3 ቢሊዮን ዶላር ገቢ ሳያገኝ፣ 340 ሚሊዮን ዶላር የተጣራ ትርፍ አግኝቷል። ካለፈው ተመሳሳይ ወቅት አንፃር ትርፉ በ12.1 በመቶ ያደገ ሲያድግ፣ ገቢው ደግሞ 17.5 በመቶ አድጓል።

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች