Monday, August 8, 2022
ሌሎች ዓምዶች
    - ማስታወቂያ -
    - ማስታወቂያ -

    ከተለመዱት የቡና ምርቶች የተለየ አዲስ የቡና ምርት ለዓለም ገበያ ቀረበ

    - ማስታወቂያ -

    ተዛማጅ ፅሁፎች

    ከዚህ በፊት ከሚታወቁት የቡና ዓይነቶች የተለየ አዲስ የቡና ምርት ለዓለም አቀፍ ገበያ መቅረቡን፣ የኢትዮጵያ ቡናና ሻይ ባለሥልጣን አስታወቀ

    አዲሱ የቡና ምርት ዓይነት ባለፉት ሦስት ዓመታት በጀርመን ዓለም አቀፍ የልማት ትብብር ተራድኦ ድርጅት (ጂአይዜድ) ሲተገበር በነበረ ፕሮጀክት ወደ ምርት የገባ መሆኑን፣ የቡናና ሻይ ባለሥልጣን ዋና ዳይሬክተር አዱኛ ደበላ (ዶ/ር) ተናግረዋል፡፡

    በዓለም ዙሪያም ሆነ በኢትዮጵያ አጅግ የሚበዛው የቡና ምርት በዋናነት የሚዘጋጀው በሦስት ዘዴዎች ማለትም በታጠበ፣ በከፊል በታጠበና በደረቅ የአዘገጃጀት ዘዴዎች ሲሆን፣ አሁን የተመረተው ቡና በአዘገጃጀቱም ሆነ በጣዕሙ ከእነዚህ የተለየ መሆኑን ገልጸዋል።

    ከዚህ በፊት እንዲህ ይነት ምርቶችን ማምረት ተከልክሎ መቆየቱን የገለጹት አዱኛ (ዶ/ር) ለፈው ዳር ወር ጀምሮ በተላለ ሰርኩላር መረት መፈቀዱን አስረድተዋል። ምርቱ በዓለም ገበያ ያለው ተፈላጊነት ከሌሎቹ ምርቶች አንጻር ሲታይ የተሻለ መሆኑንና ለላኪዎችም አዋጭ ነው ብለዋል፡፡

    ‹‹የማር ጣዕም አዘገጃጀት›› የሚሰኘው ይህ የቡና አዘገጃጀት እንደ ሌሎቹ ዘዴዎች የእሸት ቡናው ገለፈት የሚወገድበትን አካሄድ የሚከተል ሆኖ፣ ነገር ግን በውኃ ማጠብ ሳያስፈልግ በማሽን ወይም በመሣሪያ አማካነት ቀይ እሸት ቡና በመፈልፈልና በማድረቅ ብቻ የሚዘጋጅ መሆኑን የጂአይዜድ ፕሮጀክት ሥራ አስኪያጅ አቶ ራፋኤል ፋውንዳሲ ገልጸዋል።

    ከ90 እስከ 100 ነጥብ የሚያመጣው ቡና ‹የላቀ ስፔሻሊቲ› ተብሎ በአንደኝነት የሚቀመጥ ሲሆን፣ አዲሱ ምርት ‹እጅግ በጣም ጥሩ ስፔሻሊቲ› ከሚሰኘው ምድብ ውስጥ መካተቱንም አክለዋል።

    አዲሱ ምርት ወጪ በመቀነስና ተጨማሪ አማራጭ በመሆን በስፋት ቢሠራበት አዋጭ እንደሚሆን ገልጸው፣ ስምንት ሺሕ ቶን ቡና ካናዳ ገበያ ተሽጧል

    ፕሮጀክቱ በአምስት የተመረጡ አካባቢዎች ማለትም ካፋ፣ ሸካ፣ ኢሉአባቦር፣ ቤንች ማጂና ባሌ ውስጥ በሚገኙና ከ17 ሺሕ በላይ አምራቾችን በአባልነት ካቀፉ 58 የኅብረት ሥራ ማኅበራትና ስድስት ዩኒየኖች ጋር በመሆን የሚተገበር መሆኑን፣ በቀጣይም በሌሎች ቡና አምራች አካባቢዎች የማስፋፋት ፍላጎት እንዳላቸው አቶ ራፋኤል አስረድተዋል።

      

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች