Thursday, August 18, 2022
ሌሎች ዓምዶች
    - Advertisement -
    - Advertisement -
    ማኅበራዊበግጭት ቀጣና ውስጥ ለሚገኙ ስድስት ሆስፒታሎች ጥገና ሊደረግላቸው አለመቻሉን ጤና ሚኒስቴር አስታወቀ

    በግጭት ቀጣና ውስጥ ለሚገኙ ስድስት ሆስፒታሎች ጥገና ሊደረግላቸው አለመቻሉን ጤና ሚኒስቴር አስታወቀ

    ቀን:

    በሰሜን የኢትዮጵያ በነበረው ጦርነት ጉዳት ከደረሰባቸው 42 ሆስፒታሎች ውስጥ፣ ለስድስቱ ተገቢውን ጥገና ለማድረግ እንዳልቻለ የጤና ሚኒስቴር አስታወቀ፡፡

    በአማራ ክልል ከሚገኙ 40 ሆስፒታሎች 35 ያህሉ ወደ ሥራ መግባታቸውን፣ ለተቀሩት ተገቢውን ጥገና ለማድረግ የፀጥታ ችግር መኖሩን ሐሙስ ሚያዝያ 13 ቀን 2014 ዓ.ም. በተሰጠው ጋዜጣዊ መግለጫ ተገልጿል፡፡

    የጤና ሚኒስትር ደኤታ አየለ ተሾመ (ዶ/ር) እንደተናገሩት፣ በአማራ ክልል በጦርነቱ ምክንያት ጉዳት ከደረሰባቸው 40 ሆስፒታሎች 35 ተጠግነው አገልግሎት መስጠት ጀምረዋል፡፡

    በአፋር ክልል ጦርነት ጉዳት የደረሰባቸው ሁለት ሆስፒታሎች ሲሆኑ አንዱ ሙሉ በሙሉ ተጠግኖ ሥራ መጀመሩን፣ የተቀረው ግን የግጭት ቀጣና ውስጥ በመሆኑ ጥገና ለማድረግ አልተቻለም ብለዋል፡፡

    ሳይጠገኑ ለተቀሩት ስድስት ሆስፒታሎች ተገቢውን ጥገና ለማድረግ ቢፈለግም፣ አሁንም የግጭት ቀጣና ውስጥ በመሆናቸው እንዳልተሳካ ሚኒስትር ደኤታው ተናግረዋል፡፡

    ግጭት በነበረባቸው አካባቢዎች 545 ጤና ጣቢያዎች ጉዳት እንደደረሰባቸው ከነዚህም 452 በአማራ፣ 24 በአፋር፣ 54 በኦሮሚያ፣ 15 በቤኒሻንጉል ጉሙዝ ክልሎች የሚገኙ ናቸው፡፡

    አገልግሎት መስጠት በጀመሩ ሆስፒታሎችም ላይ አንዳንድ ክፍተቶች መኖራቸውን የገለጹት አየለ (ዶ/ር)፣ በምሳሌነት ካነሱት የላቦራቶሪ ማሽኖች እጥረት አንዱ ነው፡፡ በሌላ በኩል በትልልቅ ሆስፒታሎች የተለያዩ ግብዓቶች የተሟሉ ቢሆኑም ገጠራማ አካባቢዎች ላሉ ሆስፒታሎች ማዳረስ እንዳልተቻለ ገልጸዋል፡፡

    ከ545 ጤና ጣቢያዎች 467 ተገቢ ጥገና ተደርጎላቸው ወደ ሥራ መግባታቸውን፣ 414 በአማራ፣ 20 በአፋር፣ እንዲሁም 33 በኦሮሚያ መሆናቸውን ተናግረዋል፡፡

    በግጭት ቀጣና ውስጥ የሚገኙ 40 ጤና ጣቢያዎች መኖራቸውን፣ በዚህም ምክንያት ወደ ሥራ እንዳልገቡ ሚኒትስር ደኤታው አስረድተዋል፡፡

    በጦርነት ምክንያት ጉዳት ከደረሰባቸው አምቡላንሶች በአማራ 131፣ በአፋር 39፣ በኦሮሚያ 57፣ በቤንሻንጉል ጉሙዝ 40 መሆናቸውንና 64 መጠገናቸውን አስታውቀዋል፡፡

    በአማራ ክልል 40 ሆስፒታሎች፣ 452 ጤና ጣቢያዎችና 1,728 ጤና ኬላዎች፣ በአፋር ሁለት ሆስፒታሎች፣ 24 ጤና ጣቢያዎችና 52 ጤና ኬላዎች ጉዳት የደረሰባቸው መሆኑን፣ በኦሮሚያና ቤኒሻንጉል ክልሎችም  ሆስፒታሎችና ከ1,300 በላይ ጤና ኬላዎች ጉዳት እንደደረሰባቸው ተጠቅሷል።

    ከዚህ በተጨማሪ ግጭት በነበረባቸው ክልሎች የድንገተኛ ሕክምና አገልግሎት በመስጠት የእናቶችና ሕፃናትን ሕይወት ይታደጉ የነበሩ 262 አምቡላንሶች መዘረፋቸውና ከአገልግሎት ውጪ መሆናቸው ተገልጿል።

    ከሐምሌ 2013 ዓ.ም. ጀምሮ ግጭት በተከሰተባቸው አካባቢዎች መልሶ ለማቋቋም ከ708 ሚሊዮን ብር ድጋፍ እንደተደረገ፣ ከፌዴራል ሆስፒታሎች፣ ከአዲስ አበባ ጤና ቢሮ ሥር ከሚገኙ ሆስፒታሎችና የዩኒቨርሲቲ ሆስፒታሎች 208 ሚሊዮን ብር የሚገመቱ መድኃኒቶችና የሕክምና ግብዓቶችን ድጋፍ ማድረጋቸው ተጠቁሟል፡፡

    በሦስተኛው ምዕራፍ የጤና ተቋማት መልሶ ግንባታ መርሐ ግብርም የሁሉንም የተቀናጀ አቅምና ርብርብ እንደሚጠይቅ ሚኒስትር ደኤታው አሳስበዋል።

     

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...