Tuesday, August 9, 2022
ሌሎች ዓምዶች
    - Advertisement -
    - Advertisement -
    ማኅበራዊየሥራ ፈጠራ በትምህርት ፖሊሲ ውስጥ እንዲካተት ተጠየቀ

    የሥራ ፈጠራ በትምህርት ፖሊሲ ውስጥ እንዲካተት ተጠየቀ

    ቀን:

    የሥራ ፈጠራ በኢትዮጵያ የትምህርት ፖሊሲ ውስጥ መካተት እንዳለበት፣ ብራይት ፊውቸር ኢን አግሪካልቸር ፕሮጀክት አስታወቀ። ፕሮጀክቱ እ.ኤ.አ. ከ2019 ጀምሮ በኢትዮጵያ በመተግበር ላይ ሲሆን፣ ትኩረቱንም የሥራ ፈጠራን በማሳደግ ላይ አድርጎ ይሠራል።

    በተለይም በግብርና ዘርፍ ያለውን የሥራ ፈጠራ ለማሳደግ እየሠራ እንደሚገኝ የብራይት ፊውቸር ኢን አግሪካልቸር ፕሮጀክት አስተባባሪ ሰለሞን ሞገስ (ዶ/ር) ገልጸዋል።

    በአራት ሚሊዮን ዩሮ በጀት ለአራት ዓመታት የሚተገበረው ፕሮጀክቱ፣ በተለይም የቴክኒክና ሙያ ማሠልጠኛ ተቋማት መምህራን በሥራ ፈጠራ ላይ ያላቸውን ግንዛቤ ለማሳደግ እንደሚሠራ ገልጸዋል። ይህም ከቴክኒክና ሙያ ተመርቀው የሚወጡ ተማሪዎች ትልቅ ድክመት የሆነውን የዕውቀት ችግር ለመፍታት የመጀመርያ ዕርምጃ መሆኑን አክለዋል።

    በአማራ፣ በኦሮሚያና በደቡብ ክልሎች በሚገኙ ሰባት የቴክኒክና ሙያ ተቋማት የሚተገበረው ፕሮጀክቱ፣ በእስካሁኑ ቆይታው የሥራ ፈጠራን በተመለከተ መምህራን የዕውቀት ችግር እንዳለባቸው ለይቷል ብለዋል።

    በተጨማሪም ለቴክኒክና ሙያ የሚመደበው በጀትና የሚሰጠው ትኩረት አነስተኛ በመሆኑ፣ በሚፈለገው ልክ ውጤታማ አለመሆናቸውን ተናግረዋል። ለእዚህም በፕሮጀክቶች ከሚገኘው ድጋፍ በተለየ በዘላቂነት አቅማቸውን ማሳደግ እንደሚገባ ገልጸዋል።

    በኢትዮጵያ በአጠቃላይ የሥራ ፈጠራ ግንዛቤ ለማሳደግ ብሔራዊ የሥራ ፈጠራ ትምህርት ፖሊሲ ሊኖር እንደሚገባም ሰለሞን (ዶ/ር) መጠቁመው፣ ትምህርቱ ከአንደኛ ደረጃ ጀምሮ እስከ ኮሌጆችና ዩኒቨርሲቲዎች ድረስ ራሱን ችሎ መሰጠት እንዳለበትም አክለዋል።

    ራሱን ችሎ ከሚሰጠው በተጨማሪም በሁሉም ዘርፎች የሥራ ፈጠራ አንድ አስፈላጊ አካል ሆኖ በተግባር የተደገፈ ሥልጠና ከተሰጠ፣ ለተማሪዎች ውጤት እንደሚያመጣ ጠቁመዋል።

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    የአገሪቱ ባንኮች ካፒታል 199.1 ቢሊዮን ብር ደረሰ

    ከታክስ በኋላ 50 ቢሊዮን ብር ማትረፋቸውን ብሔራዊ ባንክ አስታወቀ የአገሪቱ...

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...