Thursday, August 18, 2022
ሌሎች ዓምዶች
    - Advertisement -
    - Advertisement -
    ስፓርትየዋሊያዎቹ የመጨረሻ ተጨዋቾች ተለይተዋል

    የዋሊያዎቹ የመጨረሻ ተጨዋቾች ተለይተዋል

    ቀን:

    ሉሲዎቹ ለሴካፋ ዋንጫ ጨዋታ ወደ ዑጋንዳ አቅንተዋል

    የኢትዮጵያ ብሔራዊ ቡድን (ዋሊያዎቹ) በአይቮሪኮስት ለሚዘጋጀው የአፍሪካ ዋንጫ ማጣሪያ ጨዋታ የሚሳተፉ የመጨረሻ ተጫዋቾችን ስም ዝርዝር ይፋ አድርጓል። በምድብ አራት ግብፅ፣ ጊኒና ማላዊ ጋር ማጣሪያ ጨዋታ ለማድረግ ከቀናት በፊት የ28 ተጨዋቾችን ስም ዝርዝር ይፋ ያደረገው የዋሊያዎቹ ዋና አሠልጣኝ ውበቱ አባተ፣ የመጨረሻ 23 ተጫዋቾችን ስም ዝርዝር አስታውቋል።

    አሠልጣኙ ከቀናት በፊት ከሌሴቶ ብሔራዊ ቡድን ጋር ሁለት የአቋም መለኪያ ጨዋታ በአዳማ ሳይንስና ቴክኖሎጂ ዩኒቨርሲቲ ስታዲየም ያከናወነ ሲሆን፣ አምስት ተጫዋቾችን ማለትም፣ የመከላከያውን አማካይ ቢኒያም በላይ፣ የሐዋሳ ከተማውን አማካይ ወንድማገኝ ኃይሉ፣ የወልቂጤ ከተማውን ግብ ጠባቂ ሰዒድ ሀብታሙ፣ የሀዲያ ሆሳዕናዎቹን  ተከላካዩን  ብርሀኑ በቀለና አጥቂውን ሀብታሙ ታደሰ መቀነሳቸው ታውቋል።

    የአሠልጣኙ ውበቱን የተጫዋቾች ምርጫ ተከትሎ፣ የተለያዩ አስተያየቶች እየተሰጡ መሆኑ በተለይ በሊጉ ጥሩ ጊዜ እያሳለፈ የሚገኘውን የመከላከያው ቢንያም በላይ በመቀነሳቸው ምክንያት እየተተቹ ይገኛል። ከዚህም ባሻገር አሠልጣኙ ብሔራዊ ቡድኑ የሚያደርጋቸውን ጨዋታዎች ተከትሎ የሚነሱባቸውን ትችቶች በግል ገጻቸው ጭምር ሳይቀር ሲከራከሩ መስተዋላቸው ይነገራል።

    በአይቮሪኮስት በሚቀጥለው ዓመት በሚደረገው የአፍሪካ ዋንጫ ላይ ተሳታፊ ለመሆን ከሚደረጉት የምድብ ማጣሪያ ጨዋታዎች መካከል፣ የመጀመርያዎቹን ሁለት ጨዋታዎች ከማላዊና ግብፅ ጋር ታደርጋለች፡፡

    ከቀናት በፊት የኢትዮጵያ እግር ኳስ ፌዴሬሽን ፕሬዚዳንት አቶ ኢሳያስ ጅራ፣ ምክትል ፕሬዚዳንትና የኢትዮጵያ ብሔራዊ ቡድን ቡድን መሪ አቶ አበበ ገላጋይ፣ የሥራ አስፈጻሚ ኮሚቴ አባል አቶ አሊሚራህ መሐመድ እንዲሁም ዋና ፀሐፊው አቶ ባህሩ ጥላሁን ዋሊያዎቹ ያረፉበት ሆቴል በመገኘት ተጫዋቾቹንና አባላቱን አበረታተዋል።

    ፕሬዚዳንቱ ለቡድኑ በሰጡት ማሳሰቢያ ከዚህ ቀደም ከ31 ዓመታት ቆይታ በኋላ ወደ አፍሪካ ዋንጫ ተመልሶ የነበረ መሆኑንና የቆይታ ጊዜውን በማሳጠር ከስምንት ዓመታት በኋላ መሳተፉን አውስተው፣ አሁን ደግሞ በተከታታይ የአፍሪካ ዋንጫዎች የማለፍ ዓላማ አንግባችሁ ውድድራችሁን አድርጉ ብለዋል፡፡

    ከዚህም ባሻገር ቡድኑ በገለልተኛ አገር ላይ ጨዋታ እንደሚያደርግ ጠቅሰው፣ የሚፈጥርባቸውንን ተፅዕኖ ተቋቁመው ውጤት ለማስመዝገብ እንዲጥሩም አስገንዝበዋል፡፡

    ኢትዮጵያ ከማላዊ ጋር ግንቦት 28 ቀን 2014 ዓ.ም. ጨዋታዋን ስታከናውን፣ ሰኔ 2 ቀን ደግሞ የግብፅ አቻዋን ትገጥማለች።

    በሌላ በኩል የኢትዮጵያ ሴቶች ብሔራዊ ቡድን (ሉሲዎቹ) ለምሥራቅና የመካከለኛው አፍሪካ ዋንጫ (ሴካፋ) ጨዋታ ለመካፈል ወደ ዑጋንዳ አቅንተዋል። ከግንቦት 24 እስከ ሰኔ 4 ድረስ በሚከናወነው የሴካፋ ውድድር ላይ የሚካፈሉት ሉሲዎቹ፣ የመጨረሻ የአገር ቤት ልምምዳቸውን አከናውነው ማክሰኞ ግንቦት 23 ወደ ሥፍራው አቅንተዋል።

    በአሠልጣኝ ፍሬው ኃይለገብርኤል የሚመራው ብሔራዊ ቡድኑ  23 ተጫዋቾችን ጨምሮ 34 የልዑካን ቡድን አባላትን ይዟል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...